အထီးကျန် ဌက်ငယ်- (၇)

ကံ ကောင်းထောက်မစွာ ဘဝမှာပထမဦးဆုံး အလုပ်တစ်ခု စရပြီဟူသော ပီတိလေး ရင်ထဲမှာ ဖြစ်ကာ အဖေ အမေထံသို့ ဖုန်းဆက်ပြောကြားတော့ အမေက
"သားရယ် မလုပ်ပါနဲ့ ပင်ပန်းရင်စာမလုပ်နိုင်ပဲနေမှာပေ့ါ" လို့ အမေက မိခင်မေတ္တာပြည့်ဝစွာဖြင့် တားမြစ်လိုက်ပေမယ့် အဖေက
"ဘာလို့မလုပ်ရမှာလဲ လုပ်ပေ့စေ၊ ဒါမှဒီကောင် ဘဝအကြောင်း၊ ပိုက်ဆံအကြောင်းနားလည်မှာ၊ ပိုက်ဆံရှာရတာ ဘယ်လောက်ခက်တယ်ဆိုတာ နားလည်မှာ၊ လုပ်ပေ့စေ။ သား ဟိတ်ကောင် လုပ်"
ဖခင်ထံမှ ဘာမှထပ်စဉ်းစားတော့မယ့်ပုံမပေါ်တဲ့ ပြတ်သားတဲ့ဆုံးဖြတ်ချက်ကို ကျနော်နာခံလိုက်ရချေပြီ။
ထိုည တစ်ညလုံးအိပ်မပျော်.....အလုပ်လုပ်လို့ ပိုက်ဆံရရင် ဘာသုံးမယ်ဆိုတာကို ကြိုတွေးနေမိတူရဲ့။
နောက်နေ့နံနက် အလုပ်စလုပ်ပြီ။ ပထမနေ့...........
အလုပ်ချိန်အမှီရောက်ရန် အိမ်မှစောလျှင်စွာထွက်ရပြီ.....နောက်ကျတော့မှာလား နောက်ကျရင် ဘာဖြစ်မလဲ ဆိုတဲ့ စိုးရိမ်စိတ်တွေကလဲ လူကိုထိုးစွနေပြီ......London Underground ကို Londoner (လန်ဒန်ကရလာတဲ့ အနာမဟုတ်) လန်ဒန်မှာနေသူ တွေလိုမြေပုံမပါ ကျွမ်းကျင်ပိုင်နိုင်စွာ မစီးနိုင်သေးတော့ မြေပုံလေး စမ်းစမ်းစမ်းစမ်းဖြင့် ရောက်လိုရာအရပ်ကို အလျှင်သွားခဲ့ရပြီ။
ရောက်ပါပြီ အလုပ်လုပ်ရမယ့် တရုတ်ဆိုင်လေး......
ကြည့်ပါဦး....လှလိုက်တဲ့ဆိုင်လေးပါလား.....ပန်းစည်း ပန်းအိုး ကြွေအိုး ကုလားထိုင် အပြင်အဆင်က အစ .....လှလိုက်တဲ့နေရာလေး.....ကျနော်လုပ်ရမည့်နေရာကို London တွင် အကောင်းစားဟုပြောရမည့်ဆိုင်ထဲတွင် တစ်ခုအပါအဝင်ဟု ကျနော်စိတ်ထဲထင်ခဲ့မိ၏။
ကျနော်ရောက်ပြီဖြစ်ကြောင်း မန်နေဂျာထံသွားပြောတော့ မန်နေဂျာက ကျနော့် အပေါ်အကျီနဲ့အိတ် ထားလို့ရမယ့် နေရာလေးဆီခေါ်သွားပါပြီ......
ဆိုင်ရဲ့ထောင့်လေးတစ်နေရာ.....တံခါးလေးတစ်ခု....မန်နေဂျာက လက်ညိုးထိုးပြလို့ ကျနော်ထိုတံခါးလေးကိုအဖွင့်လိုက်
“ကျွိ”
တံခါးမှာအဆုံးထိအောင်ပင် ဖွင့်၍မရပဲတစ်ဝက်မှာတင် တစ်သွား၏။ ဘာများခုနေဘာလိမ့် ဟုလှမ်းကြည့်လိုက်ရာ ထိုင်စရာ ခုံလေးတစ်ခု ခု နေသည်ကိုမြင်လိုက်ရသည်။ ဒါနှင့် အခန်းကိုကြည့်ရန်မော့ကြည်အလိုက်....
ပါကင်ဘူးများအထပ်ထပ်စီထည့်ထားသော အခန်းကျဉ်းလေးတစ်ခု....မည်မျှကျဉ်းသည်ဆိုလျှင် ထိုပါကင်ဘူးများစီထည့်ထားသောကြောင့် ကျနော်လူတစ်ယောက်စာမတ်တပ်ရပ်နိုင်ယုံမျှ နေရာလေးသာကျန်တော့၏။ ခြေတစ်လှမ်းလှမ်းဖို့ဆိုရာ ဝေးလော့။ ခုနက ခု နေသည်ဆိုသော ခုံလေးမှာ ကျနော်တို့ ထမင်းစားနားသည့် အချိန်တွင် ဝင်ထိုင်နားနေရန်ဖြစ်သည်ကို မန်နေဂျာပြောပြပြီးဖြစ်၍ ကျနော်ထွက်ပြေးချင်စိတ်လေးပေါက်သွား၏။ သို့သော်ဘာမှမဖြစ်....“ထိုင်ရပြီးရော” ဟုတွေးကာ ဘာမှမပြောခဲ့....ထိုင်ပြီးခြေထောက်ဆံ့စရာနေရာပင် မရှိသော်ညားလဲ အညည်းညူခဲ့....“ခြေဆင်းထိုင်ရင် သွေးဆင်းများ၍ခြေထောက်တောင်ယောင်တတ်သေးတယ်” ဟု ကုိုယ့်ကိုယ်ကုိုကျေနပ်အောင်ပင် နှစ်သိမ့်ထားလိုက်၏။
ပစ္စည်းများထား၍ အလုပ်လုပ်ရန်အကျီလေးသပ်သပ်ရပ်ရပ်လေးပြန်လုပ်၊ ကော်လာလေးကော့နေအောင်ပြန်လုပ်၊ ဘောင်းဘီပေါ် ဖုန်လေးတွေများရှိနေမလားအထင်နှင့် ဟိုခါဒီခါလုပ်ပြီး ဘွတ်ဖိနပ်အသံ ဒေါက် ဒေါက် ဒေါက် အသံလေးထွက်အောင် ခြေသံပြင်းပြင်းလေးလျှောက်လာအခိုက် .....
မန်နေဂျာကလှမ်း၍......
“လာ ဒီမှာပန်းကန်လာဆေး”
ယခုပင် ဝတ်ထားသောအဝတ်များသွားပြန်ချွတ်ကာ ပလာတာကြော်မည့်လူတစ်ယောက်ဝတ်သည့် အဝတ်များသွားပြန်လဲချင်စိတ်ပေါက်သွားသည်မှာ အမှန်ပင်။
ဘယ့်နှယ့် ဒီမှာဝတ်ထားတာကိုမှ အားမနာ ပန်းကန်လာဆေးခိုင်းရသလား လို့တောင်စိတ်ထဲပြောမိ၏။ သုို့သော်ဘာမှမပြော။ တစ်ချပ် နှစ်ချပ်လောက်တော့ ဆေးတတ်ပါရဲ့အတွေးနှင့်ဆေးရန် ပြင်ဆင်ခိုက်....
မြင်လိုက်ရသည်မြင်ကွင်း.....
ကြွေပန်းကန်အဖြူချပ်များထပ်ထားသည်မှာ အချပ်ပေါင်း ၃၀ ခန့်......ဘေစင်ဘေးမှာပုံထားသည်များကိုတွေ့လိုက်ရ၍ ကျနော်ငိုင်ကျသွား၏။ အိမ်မှာနေစဉ်အခါက သူများပန်းကန်ဆေးဖို့နေနေသာသာ ကိုယ့်ပန်းကန်တောင်ကိုယ်မဆေးခဲ့တဲ့ကောင် မင်းဒီတစ်ခါတော့ ဘာတတ်နိုင်သေးလဲကွာ လို့ပင်စိတ်ထဲရေရွတ်မိလိုက်၏။
သို့သော် အလုပ်ပထမဆုံးနေ့တွင် မလုပ်ဘူး ဟုညည်းညူမိလျှင်အလုပ်ပြုတ်မှာကိုတွေးပူမိသောကြောင့် အနားရှိလက်အိတ်ကိုကောက်ဝတ်ကာ ပန်းကန်များတစ်ချပ်ချင်းစီ စတင်ဆေးပါတော့သည်။ပန်းကန်ဆေး ရင်း ငယ်ငယ်တုန်းကကြားဖူးခဲ့တဲ့ ဟာသလေးတစ်ခု သွားသတိရမိ၏။ “မင်းဂျပန်မှာ အိုင်ဒိုးဘဂေးဆန် အလုပ် လုပ်တယ်မလားကွ” ဆိုသည့်ဟာသလေးတစ်ခု ခေါင်းထဲဒိန်းကနဲ ရောက်သွား၏။ ဟာသက ဂျပန်မှာဟုသာပြောပေမယ့် ကျနော့်အတွက်တော့ အင်္ဂလန်မှာ ဘဂေးဆန် နေရပါလား ဟူ၍တွေးမိကာ အားငယ်စိတ်ကလေးဝင်သွားမိခဲ့သည်။ အတွေးများတလည်လည်ဖြင့် ပန်းကန်ဆေးနေသော ကျနော့်အား အလုပ်ရှိအလုပ်ဝန်ထမ်းမတစ်ဦးက
“ပန်းကန်တွေမြန်မြန်ဆေးလေ....ကြာလိုက်တာဆေးတာ....စင်အောင်လဲဆေး”
လို့ ဘယ်သူဘယ်ဝါမှန်းမသိတဲ့ တရုတ်မတစ်ယောက်ဘိုကျခြင်းကုို စတင်ခံလိုက်ရသည်။
ကျနော်၏စိတ်ဓာတ်ကပင် သူတစ်ပါးပြောသည်ကို ပြန်မပြောရဲ အင်မတန်နားလည်ပေးတတ်သည်လားမသိ ကျနော်သူမအား “ဟုတ်” ဟူသောစကားတစ်ခွန်းမှအပ တခြားစကားပြောမထွက်ခဲ့။
ပန်းကန်များ အားလုံးစင်ကြယ်အောင်ဆေးကြောပြီးတကာလ ကျနော်ဘာလုပ်ရမလဲဟု မန်နေဂျာကိုသွားမေးတော့ သူက ဆိုင်အဝင်ဝနားကိုခေါ်သွားပြီး
"အေး ...ဘာလုပ်ရမယ် အရင်မပြောခင် ဒီဆိုင်အကြောင်းလေး အရင်ပြောထားရမယ်.."
မန်နေဂျာစကားအစ ချီလိုက်သည်နှင့် ကျနော့်စိတ်ထဲတွင်
တကယ်ဆို ခုနက ပန်းကန်တွေမဆေးခင်ကတည်းက ပြောရမယ့်စကားမဟုတ်ပါလားဗျာ..အခုတော့....
မန်နေဂျာမှ ဆက်၍.....
"ဒီဆိုင်က ဘူဖေး (Buffet) ဆိုင်....သတ်သတ်လွတ်ကြီးပဲရောင်းတဲ့ဆိုင်....အေး အရေးကြီးတာ တစ်ခုပြောထားရမယ်....လာတဲ့Customer တွေကို ဒီဆိုင်ဟာ သတ်သတ်လွတ်ဆိုင်ပါလို့ လုံးဝအရင်မပြောရဘူး...ကြားလား..သူတို့က မေးမှသာ ပြော...."
အော်...တရုတ်တွေလည်ပုံများ...သတ်သတ်လွတ်မှန်းသိလျှင် လူတွေလာမစားကြမှာစိုးလို့တဲ့.....
သူကဆက်၍
"မင်းဒီမှာရပ်စောင့်နေ..Customer လာရင်တံခါးဖွင့်ပေး...ပြီးရင်လူဘယ်နှစ်ယောက်စားမှာလဲမေး..ပြီးရင် ဟောဟို နားမှာထားထားတဲ့ ပန်းကန်ချပ်တွေယူပြီး စားပွဲတစ်နေရာကိုလိုက်ပို့...ပြီးရင်သူတို့သောက်ချင်တဲ့ အအေးကိုမှာ....ပြီးရင်အအေးသွားပို့ပေးပြီး ဒီမှာလာပြန်စောင့်နေ။ ဒါမင်းအလုပ်ပဲ။..."
မန်နေဂျာရှင်းပြပြီးနောက် ကျနော်လုပ်ရမည့် တာဝန်ကိုအနည်းငယ်သိလိုက်မိသည်။ ထို့နောက် သူပြောသည့်အတိုင်း တံခါးဝနားတွင် လက်ကလေးပိုက်၍စောင့်နေလိုက်သည်။ ဒါကိုမြင်သော မန်နေဂျာက ပြေးလာကာ....
“လက်ပိုက်ထားလို့မရဘူး....လက်နောက်ပစ်ထား”
တောက်....ကျနော့်စိတ်ထဲအတော်လေသွား၏....ငါစားသောက်ဆိုင်မှာလုပ်နေတာလား စစ်တပ်ထဲရောက်နေတာများလားဟုပင် ထင်ယောင်ထင်မှားဖြစ်မိလိုက်၏။
သို့သော်သူပြောသည့်အတိုင်းနေကာ Customer အလာကိုစောင့်နေခိုက် အချိန်အတန်ကြာသည်အထိ Customer မလာသဖြင့်ကျနော်မတ်တပ်ရပ်ရ ညောင်းလာပြီဖြစ်သောကြောင့် အနားရှိခုံတစ်ခုဆွဲကာ ထိုင်ချလိုက်သည်နှင့်...
ဟိုဂျပု မန်နေဂျာအပြေးလာကာ....
“မင်း ထိုင်လို့မရဘူး..မတ်တပ်ရပ်နေရမယ်...”
သူဒီတစ်ခါလာပြောသည်ကို ကျနော်တကယ်သဘောမပေါက်လိုက်...သို့သော် သူ့အားလှည့်ကာ ခေါင်းလေးညိတ် ပြုံးပြလိုက်ပြီး ဟိုဘက်ကိုသာလှည့်နေလိုက်၏။
ထိုအခါ ဂျပုမန်နေဂျာအနည်းငယ်တင်းသွားပုံရတယ်....အသံနည်းနည်းကျယ်စွာဖြင့်ကျနော့်နာမည် အော်ခေါ်ကာ
“မင်း ဒီမှာထိုင်လို့မရဘူး...ထ ..ထ ...”
ဒီတစ်ခါကျနော်သဘောပေါက်သွားပြီ....သူက ဒီမှာထိုင်လို့မရဘူး ဟုပြောသောကြောင့် ကျနော်ခပ်လှမ်းလှမ်းရှိ အခြားခုံတစ်ခုသို့ပြောင်းရွှေ့ထိုင်လိုက်သည်။
ဂျပုမန်နေဂျာ ပိုမိုပေါက်ကွဲသွားကာ....
“မင်းငါ့ကို ရွဲ့နေတာလား...မင်းကိုငါ ဟိုမှာမထိုင်နဲ့ ဒီမှာထိုင်လို့ပြောတာမဟုတ်ဘူး...လုံးဝ လုံးဝ ထိုင်လို့မရဘူး....နားလည်ပြီလား...အလုပ်လုပ်နေတဲ့အချိန်ဆို ထိုင်လို့မရဘူး...ဟိုနားမှာပဲ ရပ်နေ....သွား”
ဟု အော်ဟစ်ပြောဆိုသောကြောင့် ကျနော် အတော်ရှက်လဲရှက်..ဒေါသလဲထွက်ကာ သူပြောသလိုပင် ရပ်မြဲရပ်နေလိုက်၏....
မတ်တပ်ရပ်ရင်း ခုနက အဖြစ်အပျက်လေးကိုပြန်တွေးမိကာ ရင်ထဲဝမ်းနည်းမိပြန်သည်။ အဘယ့်ကြောင့်ဆိုသော် ကျနော့်ပထမဦးဆုံးအလုပ်မို့ အလုပ်အကြောင်းနားမလည်၍ လုပ်မိသည်ကို နားမလည်၊ ငါပုိုက်ဆံပေးထားတာ ငါလုပ်ခိုင်းတာလုပ်ရမယ် ဆိုသည့်လူမဆန်သည့် မန်နေဂျာတစ်ဦး၏ ဆက်ဆံပြောဆိုမှုများကို ပထမဦးဆုံးနေ့တွင်ခံလိုက်ရခြင်းကြောင့်ဖြစ်၏....။
ဒီအချိန်တွင် မိဘမေတ္တာကို သွားပြေးသတိရမိလိုက်၏....“အဖေ အမေတို့သာဆို ငါ့ကိုဒီလိုလေသံနဲ့ပြောမှာမဟုတ်ဘူး” ဟူ၍မိဘမေတ္တာအရိပ်ကို ချက်ချင်းဆိုသလို တမ်းတမိခဲ့၏။
ရင်ထဲဘယ်လောက်ပင်ဝမ်းနည်းနေသော်လည်း
“ငါဒီမှာတစ်ယောက်တည်းပါလား...ငါ့ဘေးမှာ အားပေးစကားပြောနိုင်မယ့် ငါ့မိဘ ဆွေမျိုးတွေတစ်ယောက်မှ မရှိပါလား၊ ငါထိုင်ငိုမိလဲ ငိုရုံသာရှိမှာပါလား”
ဟူသော အသိဝင်လာသောကြောင့် ကျနော်မျက်ရည်တစ်စက်မျှမထွက်ခဲ့။ ဘာဖြစ်ဖြစ် တွေ့တဲ့ပြဿနာ ရင်ဆိုင်ဖြေရှင်းမယ်ဆိုတဲ့ အတွေးအလိုလိုပေါ်သာသဖြင့် ဆက်လက်တင်းခံကာ လုပ်ရမည်အလုပ်ကိုသာ မှန်မှန်လုပ်ခဲ့၏။
အလုပ်နားချိန်တွင် သူတို့ဆိုင်တွင်ရောင်းသော စားစရာများကိုသာစားပြီး ထိုအခန်းကျဉ်းလေးထဲသို့ ဝင်ကာ အနားယူနေလိုက်ရ၏။ ဘေးနံရံနှစ်ချပ်လုံးအလုံကာထားတဲ့ အခန်းကျဉ်းလေးထဲမှာ ခြေထောက်ဆံ့စရာနေရာ မရှိ၊ တင်ပါးတစ်ချပ်တင်နိုင်ရုံနေရာလေးတွင်ထိုင်ကာ ကျနော်၏အချိန်ကြာညောင်းစွာ မတ်တပ်ရပ်၍ညောင်းညာနေသော ခြေထောက်အား ဆုပ်နယ်နှိပ်ပေးပြီး ခဏတာအနားယူခဲ့ရသည်။
ညနေအလုပ်သိမ်းချိန်တွင် ပန်းကန်အချပ်ပေါင်းများစွာတစ်ခါထပ်ဆေးရပြန်သည်။ ဒီတစ်ခါတော့အရင်လိုကြာမနေတော့ပဲ အနည်းငယ်မြန်လာသည်ကို ကျနော်ကိုယ်တိုင်ရိပ်မိခဲ့၏။ ပြီးနောက်
တံမြက်စည်းလှဲပြီး ကြမ်းပါတိုက်ခဲ့ရသည် ဆိုပါတော့....တကယ့်ကို အောက်ခြေသိမ်းအလုပ်တွေလုပ်နေရပါလား ဟုကျနော်လုပ်နေရင်း တွေးကာဝမ်းနည်းမိပြန်၏။ ဒီအချိန်တွင် ကျနော့်အဖေပြောလိုက်သောစကားကို သွားသတိရမိလိုက်သည်။ “လုပ်ပေ့စေ၊ ဒါမှ ဒီကောင်ပိုက်ဆံအကြောင်းနားလည်မှာ...ဘဝအကြောင်းနားလည်မှာ” ဟူသော အဖေ့၏ဂရုဏာဒေါသဖြင့်ပြောခဲ့သော စကားလေးကျနော့်နားထဲ ပဲ့တင်ထပ်နေတော့၏။
အားလုံးရှင်းလင်းပြီ မပြန်ခင်ကျနော့်အား မန်နေဂျာကခေါ်ကာ....
“ရော့...ဒါမင်းအတွက် လုပ်အားခ.....တစ်နာရီ ၃ ပေါင်နဲ့ ၁၀ နာရီလုပ်အားခ”
ကျနော့်လက်ထဲရောက်လာတဲ့ အင်္ဂလန်ပေါင် ၃၀။
ကျနော်ဒီပိုက်ဆံလေးကိုကြည့်ကာ ဝမ်းသာခြင်းတစ်ဝက် ဝမ်းနည်းခြင်းတစ်ဝက်ဖြစ်ကာ မျက်ရည်ဝဲခဲ့မိ၏။
ဝမ်းသာခြင်းမှာ ကျနော့်၏ပထမဆုံးကိုယ်ရှာလို့ရတဲ့လုပ်အားခလေးနှင့် ကျနော့်အဖေ၊ အမေတို့ကို ကန်တော့ရတော့မည် ကိုကြိုတွေးမိ၍ဖြစ်သည်။
ဝမ်းနည်းခြင်းမှာကား ကျနော်ဒီ ပိုက်ဆံ ၃၀ လေးရဖို့၁၀ နာရီလုံးလုံး အပင်ပန်းခံကာ ရလာသည်ကို အဖေနှင့် အမေတုို့သိလျှင် ကျနော်ကန်တော့မည့် ဒီပိုက်ဆံကိုလက်ခံပါ့မလား ဟူ၍စိတ်ထဲဝမ်းနည်းကြေကွဲ မိပြန်ပါတော့သည်......။
ဆိုင်မှထွက်၍ အိမ်ပြန်ခါနီး မန်နေဂျာအဝေးမှ လှမ်းအသိပေးလိုက်သည့်စကား....
“မင်း မနက်ဖြန် အိပ်သာဆေးရမယ့် အလှည့်ကျတယ်”


ဆက်ရန်

အထီးကျန် ဌက်ငယ်- (၆)

ဒီနေ့ အင်္ဂလန်ရောက်တာသုံးလပြည့်သောနေ့.....
အင်္ဂလန်နှင့်အစစအရာရာအနည်းငယ်နေသားတကျဖြစ်လာသည်...သို့သော်...
ဆောင်းတွင်းပိုင်းဖြစ်၍ မခံစားနိုင်လောက်အောင်ချမ်းစိမ့်လှ၏....အိမ်ထဲမှာပင်လျှင် အနွေးထည်အထပ်ထပ်ဝတ်ကာကွေးနေရသည့်အခြေအနေပင်....
"ကလင် ကလင် ကလင်"
လက်ကိုင်ဖုန်းမှ ဖုန်းဝင်လာသဖြင့်ထကိုင်လိုက်ရာ...
"ဟဲလို...တား စွဲ...အန်တီပါ..."
မည်သို့ပင်အစစအရာရာအဆင်ပြေပါသည်ပြောပြော ဒီကျနော့်နာမည်ကိုပီအောင်မခေါ်နိုင်သေးသော ထိုအန်တီကြီးအသံကြားလိုက်ရသည်နှင့် စိတ်ဓာတ်ကချူံးချူံးကျသွားသည်.....
"ဟုတ် အန်တီပြောပါ..."
ကျနော်ဟန်မပျက်ပြန်ပြောလိုက်ရာ တစ်ဖက်မှ
"အေး..တား...အန်တီတားအတွက်အလုပ်တစ်ခုခုရှာပေးမလို့....တားအားရင်အန်တီလာခေါ်မယ်...ပြီးရင်အန်တီသိတဲ့ဆိုင်တစ်ဆိုင်မှာအလုပ်ပြောပေးမယ်..."
ဘာစာမှမသင်ချင်သောကျောင်းမှာ ကျောင်းဖွင့်ကာမျှမကြာသေး ခရစ်စမတ်ကျောင်းပိတ်ထားတယ်ဆိုပြီးပိတ်ထားတာ ဒီနေ့ဆို၂ပတ်တောင်ကျော်နေပြီဖြစ်သဖြင့် အားနေမည့်အတူတူ အလုပ်ကလေးထွက်လုပ်ရင်ပိုက်ဆံလေးများရမည်ဟူသောအကြံဖြင့်...
"ဟုတ် အန်တီ..ကျနော်လုပ်မယ်...အခုထွက်ခဲ့လိုက်မယ်..."
ဟုဆိုကာ ထိုအန်တီကြီးနှင့်အလုပ်ထွက်ရှာကြလေသည်....
ပထမဆိုင်....
ထိုအန်တီကြီးနှင့်ဆိုင်ရှင်တို့စကားများပြောနေကြသည်...ကျနော်ကအဝေးမှာသာနေ၍ကြည့်နေရာမှ ထိုအန်တီထွက်လာပြီး...
"အင်း...ဒီဆိုင်ကတော့ ကောင်းပါတယ်...အလုပ်အတွေ့အကြုံရမယ်..ဒါပေမယ့် ပိုက်ဆံမရဘူး...အလကားလုပ်ပေးရမှာ....လာ..နောက်တစ်ဆိုင်သွားမေးမယ်..."
သူပြော၍သာကျနော်ခေါင်းညိတ်လိုက်ရသည်...ဘာလို့ဒီဆိုင်က ပိုက်ဆံ(လုပ်အားခ)မပေးလဲဟုကျနော်မသိချေ....
ထုို့ကြောင့်ကျနော်ထိုဆုိုင်လေးမှာထွက်လုိုက်သည်နှင့် ဆုိုင်ရှိဆိုင်းဘုတ်လေးအားအမြန်လှမ်းဖတ်လိုက်သည်
"The Charity Shop"
တောက်....ဘယ်ပေးမလဲ...Charity shop ဆိုမှတော့ အဟောင်းတွေပြန်ရောင်းတဲ့ဆိုင်... Volunteer လုပ်ရမည့်အလုပ်ကုိုမှ မယ်မယ်ကလာမေးတာကိုး.....
ကျနော်အတော်စိတ်ပျက်သွား၏...ပိုက်ဆံအပိုငွေလေးစုမည်ဟုကြံထားသောကျနော်မှာ volunteer အလုပ်နှင့်လာတိုးနေသဖြင့်ဖြစ်သည်....နေရင်းထိုင်ရင်းမုန့်ဟင်းခါးကို အကြော်ပါထည့်စားရမည့်ကိန်းဆိုက်နေ၏....မဖြစ်ချေ...
ဒုတိယဆိုင်....
အင်္ဂလိပ်စာလုံး M အကြီးကြီးရေးထားသောဆိုင်ထဲသို့ဝင်သွားလိုက်သည်...ထိုအန်တီကြီးကတော့ အရှေ့ကနေ ကော့ကော့ကော့ကော့နှင့်အရင်ဝင်သွား၏....
အတွင်းသို့ရောက်လိုက်သည်နှင့်တွေ့လိုက်ရသည့်မြင်ကွင်းမှာ အံ့သြစရာ
လူရာပေါင်းများစွာတိုးကြိတ်နေကြသည်မှာ ကျောက်ခမန်းလိလိပင်.....
"အန်တီ..ဒီလူတွေဘာလုပ်နေကြတာလဲ...."
ကျနော်သိချင်လွန်း၍အန်တီကြီးအားမေးလိုက်တော့
"ဒါအလုပ်လာလျှောက်တဲ့သူတွေလေ......"
"ဗျာ...."
သူပြောလိုက်သည်နှင့်ကျနော်အလုပ်လုပ်ချင်စိတ်တဝက်ပျောက်သွား၏...
အဘယ်ကြောင့်ဆိုသော် ထိုမျှများပြားလှသောလူများအလုပ်လာလျှောက်နေပြီဆိုလျှင်ကျနော့်လိုအခုမှရောက်စ အင်္ဂလိပ်စာမတောက်တစ်ခေါက်ပြောသူ အညတရတစ်ယောက်အတွက်နေရာကျန်တော့မည်အဟုတ်ချေ.....
ထိုကြောင့်ကျနော်ထိုအန်တီကြီးအား
"အန်တီ...ကျနော်ဒီမှာမလုပ်ချင်ဘူး.....တခြားနေရာသွားရှာရအောင်...ဒါနဲ့ဒီဆိုင်နာမည်ကဘာလဲအန်တီ..."
ထိုမျှများပြားလှသောလူတွေလုပ်ချင်လွန်းလှပါတယ်ဆိုသည့်ထိုဆိုင်နာမည်ကို ကျနော်သိမှဖြစ်မည်ဟုတွေးကာ မေးလိုက်သည်....
"ဒါ MacDonald's လေ တားရဲ့"
သူပြောပြ၍ထိုဆိုင်နာမည်ကိုမှတ်ထားလိုက်သည်  .. နောက်နောင်ဖြတ်သွားလျှင်ပင်အလုပ်ဝင်မလျှောက်မိစေရန် ကုိုယ့်ကိုယ်ကိုသတိပေးထားလိုက်၏...
တတိယဆိုင်....
"ရှောင်ရွိရွိ စုံစုံခွေ့စုံစုံခွေ့...နီဟောင်လား...အီးရူ အီးရူ..."
အခြားမဟုတ်ချေ......ထိုဒုတိယဆိုင်ထဲသို့ဝင်လိုက်သည်နှင့် ကြားလိုက်ရသည်စကားသံများ.....
တောက်.....အင်္ဂလန်လာတာ အင်္ဂလိပ်ဆိုင်တွေမှာလုပ်ရမယ်ကြံတာ....အခုပေါက်ဖော်ကြီးဆိုင်ရောက်နေပါကောလား......
ထိုအန်တီကြီးနှင့်ဆိုင်ရှင်တရုတ်လိုများပြောနေကြသည်ကုို ကျနော်အဝေးမှသာကြည့်နေခဲ့ပြန်သည်...
"ဟောင် ဟောင် ဟောင်..."
သူုတို့ခဏကြာဟောင်ပြီးထိုအန်တီပြန်ထွက်လာပြီ...
"တား.....ဒီဆိုင်ကတော့ တရုတ်စားသောက်ဆိုင်လေ...သူကလူလိုနေတယ်တဲ့...ပိုက်ဆံပေးမယ်တဲ့..ဒါပေမယ့် ပိုက်ဆံကတော့နည်းမယ်...သူကတစ်နာရီ ၃ပေါင်(စတာလင်)ပေးမယ်တဲ့...."
ထိုအန်တီပြောလိုက်သည်နှင့် ကျနော်အလွန်စိတ်ဓာတ်ကျသွားသည်....စဉ်းစားကြည့်ပါ...တစ်နာရီ ၃ပေါင်သာရမည့်အလုပ်.....ကျနော်အပြင်မှာထမင်းတစ်ခါစားလျှင်ပင် အနည်းဆုံး ၅ပေါင်အထက်ရှိသည့်အချိန်တွင် ကျနော့်၏လုပ်အားခမှာ တစ်နာရီမှ ၃ပေါင်သာရှိနေမည်....မကိုက်ချေ....သို့သော်...ကျနော်နည်းနည်းစဉ်းစားသည်....ပထမအလုပ်ထက်စာလျှင် ဒီအလုပ်က ပိုက်ဆံနည်းနည်းပိုရမည်...ထမင်းလဲစားရမည်..အိမ်မှာဘာမှမလုပ်ပဲနေမည်ထက်စာလျှင် ပိုက်ဆံနည်းနည်းရလဲ နည်းနည်းသုံးရမည် ကိုကျနော်စဉ်းစားမိ၍ .....
"အော်..ဟုတ်..ဒါဆိုကျနော်လုပ်မယ်လေ....ခဏတဖြုတ်ပေါ့....."
ထိုအန်တီလဲ သူ့လက်ကလွတ် ဗြွတ်ဆိုသကဲ့သို့ ကျနော်ဒီအလုပ်ရွေးလုိုက်သည်ဆိုလျှင်ပဲ မျက်နှာချက်ချင်းပြုံးသွားကာ ဆိုင်ရှင်ဆီချက်ချင်းသွားပြောပေး၏.....
ခဏအကြာတွင်ဆိုင်ရှင်က ကျနော့်အားစကားနည်းနည်းပြောမည်ဟုပြောသောကြောင့်ကျနော် ကြောက်ကြောက်ရွံ့ရွံ့နှင့်ပင် ဝင်သွားခဲ့သည်.....
ကျနော်သည် ရန်ကုန်မှာရှိစဉ်က တရုတ်စကားနည်းနည်းသင်ထားသဖြင့် ဆိုင်ရှင်နှင့်မေးထူးခေါ်ပြောများ နည်းနည်းပြောလိုက်သဖြင့် ဆိုင်ရှင်ကသဘောကျသွားသည်လားမသိ......နောက်နေ့အလုပ်စဆင်းရန်ကျနော့်အားမှာလိုက်ပါတော့သည်.....

ဆက်ရန်......